Comedy im RestaurantDiverses
27. Mai 2017
19:00 Uhr - 23:00 Uhr
Bevors id Summerpause gaht, gits am 27. Mai numal es grossartigs Pfnuttere und Fuettere: Comedy und Ässe vom Feinschte! Und es wird poetisch!

Mit debi isch dasmal de Remo Zumstein. Als Schwizermeister im Poetry-Slam beglückt er mit Berndütsche Text zu Themene, wo mer eigentlich nur mit Humor begegne chan: Todsünde im öffentliche Verkehr, Grammatik, Afang vom Endi, massvolle Umgang mit Alkohol und Träum.

Zäme mit em Herr Richiger sorgt er für luschtigi und poetischi Unterhaltig, d’Chuchi vom Rechberg kreiert dezuä es feins Menu. Pfnuttere und Fuettere isch sich chugle vor Lache und dezue munter Schnabuliere. Und trinke! Chli z’viel trinke dezue chan mer au no. Grossartig!

"das wird sooo fädammt geil!, ich g’hei dure! Im Ernscht! (oder im Dieter!)"
LokalitätRestaurant Rechberg 1837
Chorgasse 20
8001 Zürich
OrganisatorRechberg 1837
S'Huus vom Restaurant Rechberg isch 1837 baut worde. D'Ziit vor de Industrialisierig isch interessant im Bezug uf Läbesmittel. Ufem Märt isch z'finde gsi, was d'Saison und Region hergeh händ. S'Agebot vo de no chline Höf us de Umgebig hät hauptsächlich us ursprüngliche Gmüessorte und Fleisch vo iheimische Tier bestande. Langi Transportwäg sind no sehr erschwärlich gsi und händ exotische Güeter rar gmacht.

Inspiriert dur d'Epoche vo de Erbauig vom Rechberg händ mir euis entschide, mit Produkt z'schaffe wo i de damalige Ziit erhältlich gsi sind. Mit ziitgemässe Technike verarbeitet mier die Produkt zunere innovative Traditionschuchi.

Begleitend zu euisere Chuchi büted mier es usgwählts Agebot vo usschliesslich Schwiizer Getränk a. Vo Süessgetränk über Spirituose bis hi zum Wii: Hinter allem was mier uschänked stönd lokali Produzänte mit Liib und Seel.

Will nüt de Geist vonere Region meh beläbt als Kultur, nutzed mir d'Sämstige für bsunderi Abigaläss. Dur es Zämebringe vo Kunst und Kulinarik schaffäd mier es einzigartigs kulturells Erläbnis im intimä Rahme.

Mier freuded euis druf das mit Eui z'Teile.
Organisator/KontaktT: +41 (0)44 222 18 37
info@rechberg.ch
https://www.rechberg1837.com/kultur
Ticket-Linkhttps://www.rechberg1837.com/contact
Notizzettel druckenTermin exportierenErinnerungsfunktionzurück